Магіла жыхароў вёскі Залешчына Верхнядзвінскага раёна Віцебскай вобласці, знішчанай разам з насельніцтвам нямецка-фашысцкімі захопнікамі ў час Вялікай Айчыннай вайны.
Зале́шчына
Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 1 км на паўднёвы ўсход ад в. Мотужы Асвейскага сельсавета. Перад вайной у вёсцы жылі 90 чалавек.
У час карнай аперацыі «Зімовае чараўніцтва» ў лютым 1943 г. гітлераўцы загубілі 60 жыхароў і спалілі вёску (21 двор).
Пасля вайны не адрадзілася.
На месцы вёскі ў 1975 г. насыпаны курган, на яго вяршыні пастаўлена стэла. Магіла ахвяр нацызму знаходзіцца за 100 м ад кургана, у 1975 г. на ёй устаноўлены абеліск.
Вёска ўвекавечана ў мемарыяльным комплексе «Хатынь».
