Курган на месцы вёскі Бузава (Верхнядзвінскі раён Віцебскай вобласці), знішчанай разам з насельніцтвам нямецка-фашысцкімі захопнікамі ў час Вялікай Айчыннай вайны; мемарыяльная пліта ў памяць аб загубленых мірных жыхарах вёсак Бузава, Шабалы і Карзуны.
Карзуны́
Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 1 км на ўсход ад в. Грыбоўцы Каханавіцкага сельсавета. Перад вайной у вёсцы жылі 12 чалавек.
У час карнай аперацыі «Зімовае чараўніцтва» ў лютым 1943 г. гітлераўцы загубілі 12 жыхароў і спалілі вёску (3 двары).
Пасля вайны не адрадзілася.
На месцы вёскі ў 1982 г. насыпаны курган і пастаўлена стэла.
Вёска ўвекавечана ў мемарыяльным комплексе «Хатынь».
