Памятная стэла жыхарам вёскі Кулакова Верхнядзвінскага раёна Віцебскай вобласці, знішчанай разам з насельніцтвам нямецка-фашысцкімі захопнікамі ў час Вялікай Айчыннай вайны.
Кулако́ва
Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 2 км на паўднёвы захад ад в. Ворзава Сар’янскага сельсавета. Перад вайной у вёсцы жылі 62 чалавекі.
У час карнай аперацыі «Зімовае чараўніцтва» ў сакавіку 1943 г. гітлераўцы загубілі 26 жыхароў і спалілі вёску (18 двароў).
Пасля вайны не адноўлена.
На месцы вёскі ў 1975 г. пастаўлена стэла.
Вёска ўвекавечана ў мемарыяльным комплексе «Хатынь».
