Стэла на магіле ахвяр фашызму на месцы былой вёскі Гондарава Слуцкага раёна Мінскай вобласці, знішчанай разам з жыхарамі нямецкімі захопнікамі 23 лютага 1943 г. у час Вялікай Айчыннай вайны.
Го́ндарава
Вёска на тэрыторыі Слуцкага pаёна Мінскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 3 км на поўнач ад в. Ціхань Сорагскага сельсавета. Перад вайной у вёсцы жылі 76 чалавек.
У лютым 1943 г. у час карнай аперацыі фашысты загубілі 60 жыхароў і спалілі вёску (16 двароў).
Пасля вайны не адрадзілася.
У 1974 г. на магіле ахвяр нацызму пастаўлена стэла. Вёска ўвекавечана ў мемарыяльным комплексе «Хатынь».
