Дата стварэння: 28.12.2023 13:46:27
Дата змены: 11.09.2024 14:41:35
«Белару́с на ва́рце»
Часопіс беларускіх калабарацыяністаў у час Вялікай Айчыннай вайны.
Выдаваўся з лістапада 1943 г. да чэрвеня 1944 г. у Мінску на беларускай мове пад кантролем германскіх акупацыйных улад.
Быў прызначаны для беларусаў, якія знаходзіліся на службе ў нацысцкіх і калабарацыянісцкіх вайсковых і ваенізаваных фарміраваннях (паліцыі, падраздзяленнях СС, СД, Беларускай краёвай абароны).
Галоўны рэдактар У. Дудзіцкі. Адказны за выпуск Ф. Кушаль, рэдактар апошняга нумара У. Гуцька.
У сваіх публікацыях часопіс усхваляў гітлераўскіх акупантаў і іх паслугачоў, прапагандаваў ідэі беларускага нацыяналізму. Заклікаў беларусаў да ўзброенай барацьбы супраць савецкай улады. На старонках часопіса друкаваліся артыкулы пра барацьбу з партызанамі, пра арганізацыйную дзейнасць паліцыі і інш.
Выйшла 10 нумароў.
Жумар С. У. «Беларус на варце» // Энцыклапедыя гісторыі Беларусі: у 6 т. Т. 1: А—Беліца / Рэдкал.: М. В. Біч [і інш.]. – Мінск: Беларуская Энцыклапедыя імя Петруся Броўкі, 1993.
Жумарь С. В. Оккупационная периодическая печать на территории Беларуси в годы Великой Отечественной войны. – Минск: БелНИИДАД, 1996.
Марзалюк І. А. Кроў на белым тле: беларускія калабарацыяністы ў часы акупацыі БССР. – Мінск: Беларусь, 2025.