Помнік на месцы знішчанай нямецка-фашысцкімі захопнікамі вёскі Бортнае Асіповіцкага раёна Магілёўскай вобласці.
Бо́ртнае
Вёска на тэрыторыі Асіповіцкага раёна Магілёўскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 1 км на ўсход ад урочышча Мяжное Дараганаўскага сельсавета. Перад вайной у вёсцы жылі 98 чалавек.
У студзені 1943 г. у час карнай аперацыі «Франц» гітлераўцы загубілі 98 жыхароў і спалілі вёску (18 двароў).
Пасля вайны не адрадзілася.
У 1967 г. на месцы вёскі ўстаноўлены абеліск. Вёска ўвекавечана ў мемарыяльным комплексе «Хатынь».
Беларусь у Вялікай Айчыннай вайне, 1941–1945: энцыклапедыя / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
Нямецка-фашысцкі генацыд на Беларусі (1941—1944) / Рэдкал.: У. М. Міхнюк (старшыня) [і інш.]. – Мінск: БелНДЦДААС, 1995.
Геноцид белорусского народа. Карательные операции: в 2 ч. Ч. 1 / Редкол.: под общей редакцией А. И. Шведа. – Минск: Беларусь, 2023.
