Дата стварэння: 15.02.2024 14:31:07
Дата змены: 24.03.2026 10:38:10
Камяне́цкі падпо́льны райка́м КП(б)Б
Камянецкі падпольны раённы камітэт КП(б)Б.
Дзейнічаў у гады Вялікай Айчыннай вайны на акупіраванай нямецка-фашысцкімі захопнікамі тэрыторыі Камянецкага раёна Брэсцкай вобласці.
Створаны 14 чэрвеня 1944 г. рашэннем Брэсцкага падпольнага абкама КП(б)Б, працаваў пад яго кіраўніцтвам.
Узначальваў падпольную і партызанскую барацьбу супраць нямецка-фашысцкіх захопнікаў, праводзіў палітычную і арганізатарскую работу сярод насельніцтва раёна і партызан.
Базіраваўся ў партызанскай брыгадзе 8‑й Брэсцкай вобласці.
Друкаванага органа не меў.
Спыніў сваю дзейнасць 12 ліпеня 1944 г.
Сакратар райкама В. А. Пятроў (адначасова камісар 8‑й партызанскай брыгады); члены райкама: С. Г. Жунін (адначасова камандзір 8‑й партызанскай брыгады), Ц. М. Кавецкі, К. Р. Пісанка, М. Ф. Хрэноўскі, І. В. Чуркін, П. А. Красякоў.