Ву́сце
Вёска на тэрыторыі Гарадоцкага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 3 км на захад ад в. Восмата Віраўлянскага сельсавета. Перад вайной у вёсцы пражываў 71 чалавек.
У лістападзе 1942 г. у час карнай аперацыі «Клетка малпы» гітлераўцы загубілі жыхароў (23 чалавекі) і спалілі вёску (14 двароў).
Пасля вайны не адрадзілася.
Вёска ўвекавечана ў мемарыяльным комплексе «Хатынь».
