Ахраме́ева

Вёска на тэрыторыі Гарадоцкага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.

Знаходзілася за 1 км на паўднёвы ўсход ад в. Лапцёўка Віраўлянскага сельсавета. Перад вайной у вёсцы жыў 51 чалавек.

У лістападзе 1942 г. у час карнай аперацыі «Клетка малпы» гітлераўцы загубілі 20 жыхароў і спалілі вёску (17 двароў).

Пасля вайны не адрадзілася.

Вёска ўвекавечана ў мемарыяльным комплексе «Хатынь».