Бабы́ (Ба́бы)
Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 3,5 км на паўднёвы захад ад урочышча Гісялёва на тэрыторыі Асвейскага сельсавета.
У лютым 1943 г. у час карнай аперацыі «Зімовае чараўніцтва» гітлераўцы загубілі 20 жыхароў, вёску (12 двароў) спалілі.
Пасля вайны не адрадзілася.
У 1982 г. на месцы вёскі пастаўлены мемарыяльны знак.
