Бараво́к

Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.

Знаходзілася за 1 км на паўночны ўсход ад аграгарадка Каханавічы Каханавіцкага сельсавета. Перад вайной у вёсцы жылі 64 чалавекі.

У лютым 1943 г. у час карнай аперацыі «Зімовае чараўніцтва» гітлераўцы загубілі 47 жыхароў і спалілі вёску (14 двароў).

Пасля вайны не адрадзілася.

У 1985 г. на месцы спаленай вёскі насыпаны курган і ўстаноўлена стэла.

Вёска ўвекавечана ў мемарыяльным комплексе «Хатынь».