Дата стварэння: 14.04.2023 11:02:59
Дата змены: 11.09.2024 16:20:14
Басты́нскі бой 1942 г.
Бой паміж партызанамі атрада імя М. Ц. Шыша (камандзір М. I. Герасімаў; пазней у складзе партызанскай брыгады імя В. М. Молатава) і нямецка-фашысцкім гарнізонам у в. Бастынь Лунінецкага раёна ў жніўні 1942 г. у час Вялікай Айчыннай вайны.
У Бастыні знаходзіўся лесапільны завод, які нарыхтоўваў шпалы для патрэб чыгункі. Партызаны 25 жніўня 1942 г. напалі на гарнізон, які размяшчаўся ў вёсцы, знішчылі 22 гітлераўцы, спалілі завод і склад гатовай прадукцыі (100 м3 шпал), захапілі трафеі.
