ПЯСЧАНАЕ

Пясча́нае

Возера ў Іванаўскім раёне Брэсцкай вобласці.

Размешчана ў басейне ракі Піна, за 18 км на паўднёвы захад ад горада Іванава, каля аграгарадка Адрыжын.

Упадае канава Кобельская, выцякае — Заазёрская.

Плошча 2,09 км², даўжыня 2,37 км, максімальная шырыня 1,72 км, максімальная глыбіня 5,7 м. Абʼём вады 6,75 млн м³. Даўжыня берагавой лініі 7 км. Плошча вадазбору 48,9 км².

Катлавіна лопасцевай формы, злёгку выцягнутая з поўначы на поўдзень.

Схілы вышынёй 2–4 м (на поўдні да 7 м), спадзістыя, пясчаныя, разараныя, на ўсходзе забалочаныя, пад хмызняком.

Берагі пясчаныя, усходнія — забалочаныя. Дно выслана сапрапелем.

Востраў плошчай 3 га.

Водзяцца шчупак, лешч, гусцяра, карась залаты, плотка, краснапёрка, лінь, акунь.