Калодзеж са скульптурай прабітага і абпаленага паветранага змея на месцы загубы дзяцей вёскі Шунеўка. Фрагмент мемарыяльнага комплексу «Праклён фашызму» ў Докшыцкім раёне Віцебскай вобласці.
Шу́неўка
Вёска на тэрыторыі Докшыцкага раёна Віцебскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 2 км на паўночны захад ад в. Дабрунь Бягомльскага сельсавета, каля шашы Лагойск — Бягомль — Глыбокае — Браслаў. Перад вайной у вёсцы жылі 77 чалавек.
У час карнай аперацыі «Котбус» 22 мая 1943 г. гітлераўцы загубілі 67 (паводле іншых крыніц — 66) жыхароў, у т. л. 21 дзіця, разрабавалі маёмасць і спалілі вёску (27 двароў).
Пасля вайны не адрадзілася.
На месцы былой вёскі ў 1983 г. створаны мемарыяльны комплекс «Праклён фашызму» на ўшанаванне памяці пра вёскі Докшыцкага раёна, якія былі знішчаны нямецка-фашысцкімі акупантамі. Вёска ўвекавечана ў мемарыяльным комплексе «Хатынь».
Збор помнікаў гісторыі і культуры Беларусі. Віцебская вобласць / Рэдкал.: С. В. Марцэлеў (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1985.
Беларусь у Вялікай Айчыннай вайне, 1941–1945: энцыклапедыя / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
Памяць. Беларусь. Рэспубліканская кніга / Рэдкал.: Б. І. Сачанка (гал. рэд.) [і інш.]. – Мінск: Беларуская Энцыклапедыя імя Петруся Броўкі, 1995.
Хатынский некрополь: документы и материалы / Редкол.: В. И. Адамушко [и др.]. – Минск: Национальный архив Республики Беларусь, 2014.
Без срока давности. Беларусь: преступления нацистов и их пособников против мирного населения на оккупированной территории БССР в годы Великой Отечественной войны. Витебская область: Сборник архивных документов и материалов / Редкол.: А. К. Демянюк [и др.]. – Минск: Национальный архив Республики Беларусь; – Москва: Фонд «Историческая память», 2020.
