Дата стварэння: 17.08.2023 14:06:45
Дата змены: 04.03.2025 15:24:33
«Я́каб» («Jakob»)
Кодавая назва карнай аперацыі нямецка-фашысцкіх захопнікаў супраць партызан і мясцовага насельніцтва ў Дзяржынскім і Уздзенскім раёнах Мінскай вобласці ў студзені 1943 г. у час Вялікай Айчыннай вайны.
Праводзілася падраздзяленнямі 13‑га паліцэйскага палка, асобым батальёнам СС пад камандаваннем штурмбанфюрара СС О. Дырлевангера, айнзацгрупай паліцыі бяспекі і СД генеральнай акругі «Беларусь».
На баявое сутыкненне з партызанамі карнікі не пайшлі. У раёне аперацыі яны поўнасцю спалілі вёскі Глухое Пярхурава, Літавец, Любажанка, Рудкова, 372 мясцовыя жыхары былі расстраляны.
