Дата стварэння: 24.10.2023 09:17:04
Дата змены: 11.09.2024 16:09:03
Газета «Гомельская праўда» — орган Гомельскіх падпольных абкама і гаркама КП(б)Б.
«Го́мельская пра́ўда»
Газета, заснавана ў сакавіку 1917 г. пад назвай «Известия Гомельского Совета рабочих, солдатских и крестьянских депутатов». У 1919–1920 гг. мела назву «Путь Советов». З мая 1920 г. называлася «Палеская праўда». З лістапада 1938 г. — «Гомельская праўда», орган Гомельскага абкама і Гомельскага гаркама КП(б)Б, абласнога і гарадскога Саветаў да жніўня 1941 г.
У час Вялікай Айчыннай вайны з’яўлялася органам Гомельскага падпольнага абкама КП(б)Б і Гомельскага падпольнага гаркама КП(б)Б. Выходзіла па нядзелях з 1 мая да 20 лістапада 1943 г. Выпушчаны 31 нумар (№ 1–31) на беларускай мове. Тыраж кожнага нумара складаў 800–1 000 экзэмпляраў. Рэдактар М. I. Пахомаў.
Пасля вызвалення БССР выдавалася пад той жа назвай. З 1965 г. друкавалася як орган Гомельскага абкама і Гомельскага гаркама КПБ, абласнога i гaрадскога Саветаў дэпутатаў працоўных (Саветы народных дэпутатаў з 1977).
З 1991 г. абласная газета, выходзіць 3 разы на тыдзень на беларускай і рускай мовах. Заснавальнік Гомельскі абласны выканаўчы камітэт.
