Дата стварэння: 15.02.2024 14:40:04
Дата змены: 28.05.2025 12:04:03
Партыза́нскі атра́д імя́ Р. І. Като́ўскага (1‑га складу)
Дзейнічаў у Вялікую Айчынную вайну на акупіраванай тэрыторыі Антопальскага, Бярозаўскага, Кобрынскага і Дзівінскага раёнаў Брэсцкай вобласці.
Створаны 26 красавіка 1943 г. у раёне в. Свяціца Ганцавіцкага раёна на базе 55‑й групы партызанскага атрада імя М. А. Шчорса. З мая 1943 г. атрад базіраваўся каля в. Спорава на ўсход ад г. Бяроза-Картузская.
У верасні — кастрычніку 1943 г. партызаны двойчы ўдзельнічалі ў разбурэнні чыгуначнага ўчастка Кобрын — Гарадзец. Знішчылі друкарню 21 жніўня 1943 г. у г. Кобрын, 2 верасня 1943 г. — нямецкі паліцэйскі ўчастак з дапамогай былога паліцэйскага К. Глінскага, на станцыі Гарадзец спалілі склад збожжа, падрыхтаванага акупантамі для адпраўкі ў Германію, 16 кастрычніка 1943 г. спалілі пякарні ў Кобрыне. Падтрымлівалі сувязь з фронтам са студзеня 1944 г. Удзельнічалі ў Дняпроўска-Бугскага канала абароне 1944 г. У красавіку 1944 г. атрад вёў баі супраць украінскіх нацыяналістаў-«бульбаўцаў» (гл. Палеская Сеч Украінскай паўстанцкай арміі).
Асноўныя сілы атрада (448 партызан) злучыліся з Чырвонай арміяй 31 сакавіка 1944 г.
Камандзіры: Ф. К. Ляпічаў, А. В. Ляшчоў; камісары: А. В. Ляшчоў, А. I. Марозаў; начальнік штаба I. С. Хаменка.
