Дата стварэння: 04.03.2024 16:18:23
Дата змены: 24.03.2026 10:38:10
Іва́наўскі падпо́льны райка́м КП(б)Б
Іванаўскі падпольны раённы камітэт КП(б)Б.
Дзейнічаў у гады Вялікай Айчыннай вайны на акупіраванай нямецка-фашысцкімі захопнікамі тэрыторыі Іванаўскага раёна Пінскай вобласці.
Створаны ў канцы 1942 г. (дакладная дата не пазначана ў архіўных дакументах) рашэннем Пінскага падпольнага абкама КП(б)Б, дзейнічаў пад яго кіраўніцтвам.
Узначальваў падпольную і партызанскую барацьбу супраць нямецка-фашысцкіх захопнікаў, праводзіў палітычную і арганізатарскую работу сярод насельніцтва раёна.
Базіраваўся ў атрадзе М. Ц. Шыша (з чэрвеня 1942 атрад імя М. Ц. Шыша), з красавіка 1943 г. у партызанскай брыгадзе імя В. М. Молатава Пінскай вобласці.
Друкаваным органам падпольнага райкама з’яўлялася газета «Полесье», з № 2 перайменаваная ў «Партизан Полесья».
Спыніў сваю дзейнасць 30 сакавіка 1944 г.
Сакратар райкама Ф. С. Кунькоў (адначасова камісар брыгады імя В. М. Молатава); члены райкама: С. Ц. Бандарэнка, М. П. Забела, І. Я. Жаўноў [да 26.6.1943, пераведзены на пасаду сакратара Драгічынскага падпольнага райкама КП(б)Б], І. А. Антонаў.