Дата стварэння: 22.05.2025 09:17:23
Дата змены: 10.06.2025 08:45:33
Ве́тліца
Рака ў Столінскім раёне Брэсцкай вобласці. Даўжыня 30 км.
Правы прыток ракі Прыпяць.
Пачынаецца за 3,5 км на паўночны захад ад аграгарадка Беражное. Вусце на 3 км вышэй ад месца ўпадзення ракі Смердзь у Прыпяць.
Рэчышча ад вытоку да вёскі Малыя Арлы на працягу 6 км каналізаванае.
У ніжнім цячэнні працякае па тэрыторыі ландшафтнага заказніка рэспубліканскага значэння «Сярэдняя Прыпяць».