Дата стварэння: 22.05.2025 10:11:03
Дата змены: 04.12.2025 13:00:08
Зме́йка
Іншая назва: Дзвея.
Рака ў Баранавіцкім раёне Брэсцкай вобласці і Карэліцкім раёне Гродзенскай вобласці. Даўжыня 26 км.
Левы прыток ракі Уша.
Пачынаецца за 1,5 км на ўсход ад вёскі Стайкі Баранавіцкага раёна ў лясным урочышчы Галубоўшчына, упадае ва Ушу на заходняй ускраіне вёскі Малая Мядзвядка Карэліцкага раёна.
Плошча вадазбору 190 км². Сярэдні ўхіл воднай паверхні 1,6 ‰.
У верхнім цячэнні прымае сцёк з густой сеткі асушальных каналаў і двух прытокаў з аднайменнай назвай.
Выкарыстоўваецца як водапрыёмнік меліярацыйнай сістэмы.