Дата стварэння: 21.05.2025 15:24:49
Дата змены: 22.08.2025 12:21:31
Дабры́ца
Рака ў Кіраўскім раёне Магілёўскай вобласці і Рагачоўскім раёне Гомельскай вобласці. Даўжыня 35 км.
Пачынаецца меліярацыйнай канавай за 1,6 км на паўночны ўсход ад вёскі Старое Заліцвінне Кіраўскага раёна, вусце за 1 км на поўнач ад вёскі Каласы Рагачоўскага раёна.
Правы прыток ракі Друць.
Плошча вадазбору 250 км². Сярэднегадавы расход вады ў вусці 1,2 м³/с. Сярэдні ўхіл воднай паверхні 0,6 ‰. Цячэ па паўднёва-ўсходняй частцы Цэнтральнабярэзінскай раўніны.
Даліна выразная, трапецападобная.
Схілы спадзістыя, у ніжнім цячэнні дзе-нідзе стромкія.
Пойма асушаная, шырынёй ад 300 м да 1 км. Шырыня рэчышча 3–7 км (у межань). Рэчышча было каналізавана ў 1964–1967 гг. і 1970 г. на ўсім працягу; у 2005 г. праведзена паўторнае рэгуляванне (1 км на паўночны захад ад вёскі Талочкаў Рагачоўскага раёна да 1 км на паўночны ўсход ад яе ж), за 2 км на паўночны ўсход ад вёскі Старое Заліцвінне. Прымае сцёк з меліярацыйных каналаў.
На перыяд вясновага разводдзя прыпадае каля 50 % гадавога сцёку.