ВЕЛІКАБОРСКАЕ

Велікабо́рскае

Вадасховішча ў Хойніцкім раёне Гомельскай вобласці.

Размешчана за 14 км на поўнач ад горада Хойнікі, каля аграгарадка Вялікі Бор, на рацэ Віць (прыток ракі Прыпяць).

Пабудавана ў 1983 г. (рэканструкцыя ў 1995).

Плошча 2,9 км², даўжыня 2,6 км, максімальная глыбіня 3,9 м, максімальная шырыня 1,2 км. Аб’ём вады 8,92 млн м³.

Плошча вадазбору 195 км², адлегласць ад вусця Віці 51,5 км².

Вадазбор раўнінны (разаранасць 20 %, залесенасць 57 %, забалочанасць 12 %). Сярэдні гадавы сцёк 174 млн м³. Наліўное, сезоннага рэгулявання, напаўняецца вадой праз сцёк Віці.

Збудаванні гідравузла: агараджальная дамба (даўжыня 1440 м, шырыня 4,5 м), вадавыпуск, водаправодзячыя каналы, водазаборны вузел. Выкарыстоўваецца для ўвільгатнення сельскагаспадарчых земляў.