ТАЛІЦА

Та́ліца

Рака ў Старадарожскім, Слуцкім і Любанскім раёнах Мінскай вобласці. Даўжыня 41 км.

Правы прыток ракі Арэса (басейн ракі Прыпяць). Прытокі — рэкі Бярозаўка і Няжараўка (справа).

Плошча вадазбору 455 км². Сярэднегадавы расход вады ў вусці 2,1 м³/с. Сярэдні ўхіл воднай паверхні 0,6 ‰.

Пачынаецца каля вёскі Мядзведня Старадарожскага раёна, упадае ў Арэсу на поўдзень ад сажалак рыбгаса «Любань» каля горада Любань.

Рэчышча каналізаванае на ўсім працягу.

На перыяд веснавога разводдзя прыпадае 60–65 % гадавога сцёку.