Дата стварэння: 14.10.2024 10:29:53
Дата змены: 27.06.2025 15:28:02
Марско́е паве́тра ўме́раных шыро́т
Паветраныя масы, якія набываюць характэрныя ўласцівасці марскога паветра ва ўмераных шыротах над акіянамі.
У Еўропу прыходзіць з Атлантычнага акіяна, які не замярзае, і, рухаючыся над ім, марское паветра праграваецца і становіцца вільготным.
Асноўная паветраная маса, якая вызначае клімат Беларусі на працягу ўсяго года. Летам прыход такога паветра суправаджаецца прахалодай і кароткачасовымі дажджамі з навальніцамі, зімой — павышэннем тэмпературы паветра і адноснай вільготнасці, колькасці атмасферных ападкаў, туманамі.
Максімум паўтаральнасці ўзімку — 50–60 %, мінімум улетку — 40–50 % часу.