НЕРАТОЎКА

Нерато́ўка

Рака ў Акцябрскім раёне Гомельскай вобласці. Даўжыня 33 км.

Пачынаецца каля аграгарадка Рассвет, вусце за 4 км на паўднёвы захад ад пасёлка Рабкор. Цячэ па паўночна-ўсходняй частцы нізіны Прыпяцкае Палессе.

Левы прыток ракі Пціч (басейн ракі Прыпяць).

Плошча вадазбору 183 км². Сярэднегадавы расход вады ў вусці 0,8 м³/с. Сярэдні ўхіл воднай паверхні 0,5 ‰. Лясістасць 64 %.

Даліна невыразная, шырынёй 1,5–3 км.

Пойма амаль адсутнічае, у нізоўі двухбаковая, шырынёй 1–2 км.

Рэчышча каналізавана на ўсім працягу, шырыня ў верхнім цячэнні 10–12 м, у ніжнім 6–7 м.

Берагі стромкія і абрывістыя.

Каля вусця ракі, на правым беразе, біялагічны заказнік рэспубліканскага значэння «Акцябрскі».

На рацэ гарадскі пасёлак Акцябрскі.