ТРЭМЛЯ

Трэ́мля

Рака ў Акцябрскім, Калінкавіцкім, Петрыкаўскім і Мазырскім раёнах Гомельскай вобласці. Даўжыня 84 км.

Левы прыток ракі Прыпяць. Асноўныя прытокі — рака Мядзведзь, канава Дубнянская, канава Плясецкая (раней канал Плясецкі) (левыя).

Пачынаецца на паўднёвы ўсход ад вёскі Раманішчы Акцябрскага раёна, вусце ў межах Мазырскага раёна, за 2,7 км на паўднёвы захад ад вёскі Мі́хнавічы Калінкавіцкага раёна. Цячэ пераважна па ўсходняй ускраіне Прыпяцкага Палесся.

Плошча вадазбору 769 км². Сярэднегадавы расход вады ў вусці 3,1 м³/с. Сярэдні ўхіл воднай паверхні 0,3 ‰.

Даліна невыразная.

Пойма двухбаковая.

Рэчышча каналізаванае на працягу 73,5 км ад вытоку.

Замярзае ў сярэдзіне снежня, разводдзе ў канцы 2‑й дэкады сакавіка да 39 сутак.