Помнік землякам, якія загінулі ў гады Вялікай Айчыннай вайны. Гарадскі пасёлак Капаткевічы.
Помнік на магіле ахвяр фашызму на ўскраіне гарадскога пасёлка Капаткевічы.
Капатке́вічы
Гарадскі пасёлак у Петрыкаўскім раёне Гомельскай вобласці, на р. Пціч. За 37 км на паўночны ўсход ад г. Петрыкаў, за 179 км ад г. Гомель, за 244 км ад Мінска, 18 км ад чыгуначнай станцыі Пціч (на лініі Калінкавічы — Лунінец); аўтадарогамі звязаны з Петрыкавам, Акцябрскім і аўтамагістраллю Гомель — Брэст.
Да 1938 г. мястэчка.
У 1924–1931 гг. і 1935–1962 гг. цэнтр Капаткевіцкага раёна.
У 1939 г. у Капаткевічах было 2 417 жыхароў.
Капаткевічы акупіраваны 1 жніўня 1941 г. Нямецка-фашысцкія захопнікі зруйнавалі гарадскі пасёлак; загубілі ў раёне 2 869 мірных жыхароў і 28 ваеннапалонных, у т. л. у Капаткевічах 112 чалавек, з іх 12 яўрэяў, якія былі спалены зажыва ў сакавіку 1942 г. на яўрэйскіх могілках.
У раёне дзейнічалі Капаткевіцкі падпольны райкам КП(б)Б і Капаткевіцкі падпольны райкам ЛКСМБ; партызанская брыгада 25‑я імя П. К. Панамарэнкі, партызанская брыгада 121‑я імя А. Ф. Брагіна, партызанская брыгада 123‑я Акцябрская імя 25‑годдзя БССР, партызанская брыгада 125‑я Капаткевіцкая, партызанская брыгада 210‑я Капаткевіцкая; партызанскі атрад I. С. Губіна, партызанскі атрад А. Ф. Сарафанава, партызанскі атрад Штабны; выдавалася падпольная газета «Большэвік», орган Капаткевіцкага падпольнага райкама КП(б)Б.
Партызанскія атрады А. I. Далідовіча і «Чырвоны Кастрычнік» 17 студзеня 1942 г. разграмілі ў Капаткевічах варожы гарнізон (гл. Капаткевіцкі бой 1942 г.).
Капаткевічы вызвалены 30 чэрвеня 1944 г. воінамі 76‑й гвардзейскай стралковай дывізіі (генерал-маёр А. В. Кірсанаў) 114‑га стралковага корпуса (генерал-маёр Д. Я. Красільнікаў) 70‑й арміі 1‑га Беларускага фронту ў ходзе Беларускай аперацыі 1944 г.
У Капаткевічах знаходзяцца:
магіла ахвяр фашызму, на якой пастаўлены помнік;
помнік землякам, якія загінулі ў час Вялікай Айчыннай вайны.
Збор помнікаў гісторыі і культуры Беларусі. Гомельская вобласць / Рэдкал.: С. В. Марцэлеў (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1985.
Беларусь у Вялікай Айчыннай вайне, 1941–1945: энцыклапедыя / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
Энцыклапедыя гісторыі Беларусі: у 6 т. Т. 4: Кадэты—Ляшчэня / Рэдкал.: Г. П. Пашкоў (гал. рэд.) [і інш.]. – Мінск: Беларуская Энцыклапедыя імя Петруся Броўкі, 1997.
Гарады і вёскі Беларусі: энцыклапедыя: у 10 т. Т. 2: Кн 2: Гомельская вобласць / Рэдкал.: Г. П. Пашкоў [і інш.]. – Мінск: Беларуская Энцыклапедыя імя Петруся Броўкі, 2005.
Памяць: гісторыка-дакументальная хроніка Петрыкаўскага раёна / Рэдкал.: А. В. Бічан [і інш.]. – Мінск: Ураджай, 1995.
Памяць. Беларусь. Рэспубліканская кніга / Рэдкал.: Б. І. Сачанка (гал. рэд.) [і інш.]. – Мінск: Беларуская Энцыклапедыя імя Петруся Броўкі, 1995.
Памяць Беларусі. Рэспубліканская кніга / Рэдкал.: Г. П. Пашкоў (гал. рэд.) [і інш.]. – Мінск: Беларуская Энцыклапедыя імя Петруся Броўкі, 2005.
Численность населения СССР на 17 января 1939 года. По районам, районным центрам, городам, рабочим посёлкам и крупным сельским населённым пунктам. – Москва: Госпланиздат, 1941.
Свидетельствуют палачи: уничтожение евреев на оккупированной территории Беларуси в 1941–1944 гг.: документы и материалы / сост.: В. И. Адамушко, И. П. Герасимова, В. Д. Селеменев. – Минск: Национальный архив Республики Беларусь, 2009.
Без срока давности. Беларусь: преступления нацистов и их пособников против мирного населения на оккупированной территории БССР в годы Великой Отечественной войны. Гомельская область: Сборник архивных документов и материалов / Редкол.: А. К. Демянюк [и др.]. – Минск: Национальный архив Республики Беларусь; – Москва: Фонд «Историческая память», 2021.
Холокост в Беларуси: трагедия и память: документы и материалы / сост.: В. Д. Селеменев (руководитель) [и др.]. – Минск: Колорград, 2022.
Партизанские формирования Белоруссии в годы Великой Отечественной войны (июнь 1941 — июль 1944) / А. Л. Манаенков (руководитель) [и др.]. – Минск: Беларусь, 1983.
Шомоди В. Э. Маршрутами народной славы: учебное пособие для педагогов и воспитателей. – Минск: Университетское, 2001.
Смиловицкий Л. Л. Евреи Беларуси в годы Холокоста: Сборник избранных статей. – Тель-Авив: б. и. 2021.
Ботвинник М. Б. Памятники геноцида евреев Беларуси. – Минск: Беларуская навука, 2000.
Винница Г. Р. Холокост на оккупированной территории Восточной Белоруссии в 1941 – 1944 годах: монография. – Минск: Ковчег, 2014.
