Алея Славы Герояў у горадзе Кіраўск.
Помнік на брацкай магіле савецкіх воінаў, партызан і ахвяр фашызму ў горадзе Кіраўск.
Магіла невядомага савецкага лётчыка, які загінуў у баі ў чэрвені 1941 г. Горад Кіраўск.
Памятны знак у гонар 60‑годдзя вызвалення Кіраўскага раёна ад нямецка-фашысцкіх захопнікаў. Горад Кіраўск.
Кіі́раўск
Гоpад, цэнтр Кіраўскага раёна Магілёўскай вобласці, на р. Ала. За 92 км на паўднёвы захад ад г. Магілёў, за 164 км ад Мінска, 25 км ад чыгуначнай станцыі Бярэзіна (на лініі Асіповічы — Жлобін); на аўтадарозе Бабруйск — Магілёў.
Былая вёска Старцы, з 1935 г. з’яўляецца цэнтрам Кіраўскага раёна, з 1939 г. мае назву Кірава.
У 1934 г. на месцы былых хутароў каля в. Старцы быў утвораны пас. Кіраўск.
У 1955 г. в. Кірава ўвайшла ў склад пас. Кіраўск.
У 1959–2001 гг. гарадскі пасёлак.
У 1939 г. у Кіраўску было 535 жыхароў.
Кіраўск акупіраваны 30 чэрвеня 1941 г. Нямецка-фашысцкія захопнікі загубілі ў раёне і раённым цэнтры 5 526 мірных жыхароў.
У Кіраўску дзейнічала антыфашысцкая група на чале з Ц. С. Коржавым, у раёне — Кіраўскі падпольны райкам КП(б)Б і Кіраўскі падпольны райкам ЛКСМБ; Кіраўская ваенна-аператыўная група, партызанская брыгада 9‑я Кіраўская, партызанская брыгада 5‑я Клічаўская, партызанская брыгада 8‑я Рагачоўская, партызанская брыгада 61‑я; партызанскі полк 152‑і, партызанскі полк 208‑ы імя І. В. Сталіна, партызанскі полк 277‑ы, партызанскі полк 425‑ы, партызанскі полк 810‑ы; партызанскі атрад 25‑ы, партызанскі атрад 115‑ы, партызанскі атрад 225‑ы, партызанскі атрад 278‑ы, партызанскі атрад 435‑ы, партызанскі атрад 620‑ы імя В. І. Чапаева і партызанскі атрад 830‑ы; выдавалася падпольная газета «Кировец», орган Кіраўскага падпольнага райкама КП(б)Б.
У раёне Кіраўска ў чэрвені — ліпені 1942 г. і маі 1943 г. партызаны вялі цяжкія баі з гітлераўцамі (гл. «Хрушч»).
Кіраўск вызвалены 26 чэрвеня 1944 г. воінамі 413‑й стралковай дывізіі (палкоўнік I. В. Мулаў) і 95‑й танкавай брыгады (палкоўнік А. I. Кузняцоў) 3‑й арміі 1‑га Беларускага фронту ў ходзе Бабруйскай аперацыі 1944 г.
У Кіраўску знаходзяцца:
брацкія магілы савецкіх воінаў; савецкіх воінаў, партызан і ахвяр фашызму; магіла невядомага савецкага лётчыка, які загінуў у чэрвені 1941 г. у баі з нямецка-фашысцкімі захопнікамі; на магілах пастаўлены помнікі;
памятны знак у гонар 60‑годдзя вызвалення Кіраўскага раёна ад нямецка-фашысцкіх захопнікаў;
Алея Славы Герояў.
Збор помнікаў гісторыі і культуры Беларусі. Магілёўская вобласць / Рэдкал.: С. В. Марцэлеў (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1986.
Беларусь у Вялікай Айчыннай вайне, 1941–1945: энцыклапедыя / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
Энцыклапедыя гісторыі Беларусі: у 6 т. Т. 4: Кадэты—Ляшчэня / Рэдкал.: Г. П. Пашкоў (гал. рэд.) [і інш.]. – Мінск: Беларуская Энцыклапедыя імя Петруся Броўкі, 1997.
Гарады і вёскі Беларусі: энцыклапедыя: у 10 т. Т. 6: Кн 2: Магілёўская вобласць / Рэдкал.: Т. У. Бялова [і інш.]. – Мінск: Беларуская Энцыклапедыя імя Петруся Броўкі, 2009.
Памяць: гісторыка-дакументальная хроніка Кіраўскага раёна / Рэдкал.: В. І. Аўдзеева [і інш.]. – Мінск: Вышэйшая школа, 1997.
Памяць. Беларусь. Рэспубліканская кніга / Рэдкал.: Б. І. Сачанка (гал. рэд.) [і інш.]. – Мінск: Беларуская Энцыклапедыя імя Петруся Броўкі, 1995.
Памяць Беларусі. Рэспубліканская кніга / Рэдкал.: Г. П. Пашкоў (гал. рэд.) [і інш.]. – Мінск: Беларуская Энцыклапедыя імя Петруся Броўкі, 2005.
Численность населения СССР на 17 января 1939 года. По районам, районным центрам, городам, рабочим посёлкам и крупным сельским населённым пунктам. – Москва: Госпланиздат, 1941.
Без срока давности. Беларусь: преступления нацистов и их пособников против мирного населения на оккупированной территории БССР в годы Великой Отечественной войны. Могилёвская область: Сборник архивных документов и материалов / Редкол.: А. К. Демянюк [и др.]. – Минск: Национальный архив Республики Беларусь; – Москва: Фонд «Историческая память», 2021.
Партизанские формирования Белоруссии в годы Великой Отечественной войны (июнь 1941 — июль 1944) / А. Л. Манаенков (руководитель) [и др.]. – Минск: Беларусь, 1983.
Шомоди В. Э. Маршрутами народной славы: учебное пособие для педагогов и воспитателей. – Минск: Университетское, 2001.
